روائع اغانى الحقيبة

استعرض الموضوع السابق استعرض الموضوع التالي اذهب الى الأسفل

روائع اغانى الحقيبة

مُساهمة  زكريا عبدالرازق في السبت أبريل 09, 2011 5:40 pm

لا يختلف ااثنان فى روعة وجمال اغانى الحقيبة لما فيها من صدق الكلمات والمشاعر
فكل اغنية لها حكاية يصورها الشاعر باحساسه الصادق بدون مغالاة ولذلك تخرج الكلمات صادقة ومعبرة
ومازالت اغانى الحقيبة لم تبارح مكانها فى وجدان الشعب السودانى

نبدأ برائعة الشاعر محمد بشير عتيق

جسمى المنحولجسمي المنحول براه جفاك يامليح الزى
******
كيف حبي يحول وفؤادي معاك يازينة الحى
حلمك ياجميل انا دانى رحول
تركني هواك بين ميت وحى
******
كيف ليك وصول ...وسكونك فوق لى سهيل وثرى
النوم من عيني دوام مفصول
دموعي تلاقى وتذرف رى
******
دى الساحره عقول ... بروق في غيم ولا در فى لمى
خدودك أم ازهار في حقول
سقاني غرامك صافى حمى
******
الطرفه وأقول ..احور متناعس ولحظه صحى
تشوف في قوامه المال مفقول
الظلمة شعور والقمره محى
******
أنا دمعي هطول ...احن لي لماك وقاسى على
أيصح في هواك تعذيبي يطول
بالبين أترابك لاهي خلى
******
من ردفه كسول ..بى جيده وعينه يسبى ظبي
بالشوق يا نسيم ابقالى رسول
لو يعطف ثانية يزيل البى
avatar
زكريا عبدالرازق

المساهمات : 119
تاريخ التسجيل : 16/02/2009
الموقع : zakaria22un@hotmail.com

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

عازة فى هواك

مُساهمة  زكريا عبدالرازق في الثلاثاء أبريل 12, 2011 1:04 pm

وهى من اشعار الشاعر خليل فرح

عازة في هواك عازة نحن الجبال
وللبخوض صفاك عازة نحن النبال
عازة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عازة ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عازة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عازة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عازة ما أشتهيت نوم الحجال
ولا السوار بكي في يمينا جال
وعازة في الفريق لي ضيق مجال
قبيلة بت قبيل ملأ الكون رجال
***
عازة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عازة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
***
عازة في حذا الخرطوم قبال
وعازة من جنان شمبات حبال
وعازة لي ربوع ام در جبال
وعازة في الفؤاد دوا يشفي الوبال
avatar
زكريا عبدالرازق

المساهمات : 119
تاريخ التسجيل : 16/02/2009
الموقع : zakaria22un@hotmail.com

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى